പൊണ്ണത്തടി  മാനസികാരോഗ്യം തകര്‍ക്കുമോ?

പൊണ്ണത്തടി ആര്‍ക്കും ഇഷ്ടമില്ല. പുരുഷനും സ്ത്രീകളും ഒന്നുപോലെ അത് ഇഷ്ടപ്പെടാത്തവരാണ്. എങ്കിലും പുരുഷന്മാരെക്കാള്‍ സ്ത്രീകളെയാണ്  പൊണ്ണത്തടി ദോഷകരമായി ബാധിക്കുന്നത്. സ്ത്രീകളെ ഇത് കൂടുതല്‍ വിഷാദത്തിലേക്ക് തള്ളിയിടാന്‍ കാരണമാകുന്നുവെന്ന് പുതിയ പഠനം പറയുന്നു. ലോകം മുഴുവന്‍ പൊണ്ണത്തടി വ്യാപിച്ചുകൊണ്ടിരിക്കുമ്പോഴാണ് അതിന്റെ ദൂഷ്യവശം സ്ത്രീകളെയാണ് കൂടുതല്‍ ബാധിക്കുന്നതെന്ന തരത്തിലുള്ള പഠനം പ്രസിദ്ധീകരിച്ചിരിക്കുന്നത്.ശരീരത്തിന്റെ അമിതഭാരം മനസിന്റെ ആരോഗ്യത്തെയും ദോഷകരമായി ബാധിക്കുമെത്രെ. അത്  ക്രമേണ വിഷാദരോഗത്തിനും കാരണമാകും. യുകെയില്‍ നടന്ന പഠനമാണ് ഇക്കാര്യം വ്യക്തമാക്കിയത്. 1990 മുതല്‍ യുകെയില്‍ പൊണ്ണത്തടി  ഇരട്ടിയായിട്ടുണ്ടെന്നാണ് പഠനം പറയുന്നത്. അതുകൊണ്ടുതന്നെ യുകെയിലെ സ്ത്രീകളില്‍ വിഷാദരോഗവും വര്‍ദ്ധിച്ചുവരുന്നു.