സോഷ്യൽ മീഡിയയിൽ ഇപ്പോൾ ഏറെ ചർച്ച ചെയ്യപ്പെടുന്ന ഒരു മാതൃത്വശൈലിയാണ് ‘സിൽക്കി മോം’. എന്താണ് സിൽക്കി മോം? കുട്ടികളെ വളർത്തുമ്പോൾ കർശനമായ നിയന്ത്രണവും പൂർണ്ണ സ്വാതന്ത്ര്യവും തമ്മിലുള്ള ഒരു സമതുലിത സമീപനം സ്വീകരിക്കുന്ന അമ്മമാരാണ് ‘സിൽക്കി മോം’. സിൽക്ക് പോലെ മൃദുവും എന്നാൽ ആവശ്യംവരുമ്പോൾ ശക്തവുമായ മാതൃത്വം എന്നാണ് ഇതിന്റെ അർത്ഥം. നിങ്ങൾ ഒരു സിൽക്കി മോം ആണോയെന്ന് കണ്ടെത്താനുള്ള ചില മാർഗങ്ങളിതാ.
നിയമങ്ങളും സ്വാതന്ത്ര്യവും തമ്മിൽ ബാലൻസ്
കുട്ടികൾക്ക് ചില നിയമങ്ങൾ ഉണ്ടാകും. പക്ഷേ അവരെ എല്ലാത്തിലും കർശനമായി നിയന്ത്രിക്കില്ല. അവർക്ക് സ്വതന്ത്രമായി പഠിക്കാനും വളരാനും അവസരം നൽകും.
കുട്ടിയുടെ വികാരങ്ങൾ കേൾക്കുന്നു
കുട്ടി കോപിച്ചാലോ ദുഃഖിച്ചാലോ ‘മിണ്ടരുത്’ എന്ന് പറയാതെ, അവന്റെ വികാരങ്ങൾ മനസ്സിലാക്കാൻ ശ്രമിക്കുന്നു.
ടെക്നോളജിയെ പൂർണ്ണമായി നിരോധിക്കില്ല
ഫോൺ, ടാബ് തുടങ്ങിയവ മുഴുവനായി വിലക്കില്ല. പക്ഷേ സമയപരിധി നിശ്ചയിച്ച് ഉപയോഗിക്കാൻ അനുവദിക്കും.
തെറ്റ് ചെയ്താൽ പഠിപ്പിക്കും
കുട്ടി തെറ്റ് ചെയ്താൽ ശിക്ഷിക്കാൻ മാത്രം ശ്രമിക്കാതെ അത് എന്തുകൊണ്ട് തെറ്റാണ് എന്ന് വിശദീകരിച്ചുകൊടുക്കും
കുട്ടിയുടെ അഭിപ്രായം മാനിക്കുന്നു
വീട്ടിലെ ചില തീരുമാനങ്ങളിൽ പോലും കുട്ടിയുടെ അഭിപ്രായം ചോദിക്കും
പൂർണ്ണമായ ‘ പെർഫക്റ്റ് അമ്മ’ ആകാൻ ശ്രമിക്കില്ല
സ്വയം പിഴവുകൾ ഉണ്ടാകാം എന്ന് അംഗീകരിക്കുന്നു. മാതൃത്വം ഒരു പഠന യാത്ര എന്ന നിലയിൽ കാണുന്നു.
കുട്ടിയെ ഉത്തരവാദിത്വം പഠിപ്പിക്കുന്നു
വീട്ടുപണികളിൽ ചെറിയ സഹായങ്ങൾ ചെയ്യാൻ കുട്ടിയെ പ്രോത്സാഹിപ്പിക്കുകയും പ്രായത്തിനു അനുസരിച്ചുള്ള ജോലികൾ ചെയ്യിപ്പിക്കുകയും ചെയ്യും..
ആരോഗ്യകരമായ ശീലങ്ങൾ വളർത്തുന്നു
ആരോഗ്യകരമായ ഭക്ഷണം, ഉറക്കം, കളി തുടങ്ങിയ കാര്യങ്ങളിൽ ശ്രദ്ധ നൽകും.
താരതമ്യം ചെയ്യില്ല
‘അവന്റെ മകൻ ഇത്ര നല്ലത്’ എന്ന് പറഞ്ഞ് കുട്ടിയെ മറ്റുള്ളവരുമായി താരതമ്യം ചെയ്യില്ല.
സ്നേഹവും നിയന്ത്രണവും ഒരുപോലെ
കുട്ടിക്ക് വലിയ സ്നേഹവും സുരക്ഷിതത്വവും നൽകുമ്പോൾ ആവശ്യമായപ്പോൾ നിയന്ത്രണവും കാണിക്കും.
ചുരുക്കത്തിൽ സിൽക്കി മോം സ്നേഹവും നിയന്ത്രണവുമുള്ള സമതുലിത മാതൃത്വ ശൈലി ആണ്. കുട്ടിയുടെ വ്യക്തിത്വം മാനിക്കുകയും, അവനെ/അവളെ ആത്മവിശ്വാസമുള്ള വ്യക്തിയായി വളരാൻ സഹായിക്കുകയും ചെയ്യുന്ന സമീപനമാണ്..