ഡ്രൈ ഫ്രൂട്ട്‌സും ആരോഗ്യവും

എല്ലാ ഡ്രൈ ഫ്രൂട്സും ഹൃദയാരോഗ്യത്തിന് ഗുണകരമാണോ? അറിയാം ചില ഡ്രൈ ഫ്രൂട്സ് വിശേഷങ്ങൾ

ഹൃദയാരോഗ്യവും രക്തസമ്മർദ്ദവും  നിയന്ത്രിക്കാൻ ഡ്രൈ ഫ്രൂട്ട്സ് കഴിക്കുന്നത് നല്ലതാണെങ്കിലും, എല്ലാ ഡ്രൈ ഫ്രൂട്ടുകളും ഒരുപോലെ ഗുണകരമല്ല എന്നതാണ് കാർഡിയോളജിസ്റ്റുകൾ പറയുന്നത്. ശരിയായതിനെ തിരഞ്ഞെടുക്കുകയും കൃത്യമായ അളവിൽ കഴിക്കുകയുമാണ് ചെയ്യേണ്ടത്. ഹൃദയാരോഗ്യത്തിന് ഗുണകരമായ ഡ്രൈ ഫ്രൂട്ടുകൾ പ്രധാനമായും പൊട്ടാസ്യം, ഫൈബർ, ഹെൽത്തി ഫാറ്റുകൾ എന്നിവ അടങ്ങിയവയാണ്.

ഉദാഹരണത്തിന് 1  ബദാം (Almonds) ഹൃദയാരോഗ്യത്തിന് ഏറെ ഗുണകരമായ അൺസാച്ചുറേറ്റഡ് ഫാറ്റുകൾ അടങ്ങിയതാണ്. ഇത് കൊളസ്ട്രോൾ നിയന്ത്രിക്കുകയും രക്തക്കുഴലുകൾ ശാന്തമാക്കുകയും ചെയ്യുന്നു. 

മറ്റൊന്ന്  വാൾനട്ട് (Walnuts) ആണ്. ഒമേഗ 3 ഫാറ്റി ആസിഡുകൾ ഉള്ളതിനാൽ ഇൻഫ്ളമേഷൻ കുറയ്ക്കുകയും ബിപി നിയന്ത്രണത്തിന് സഹായിക്കുകയും ചെയ്യുന്നു.

പിസ്ത (Pistachios) പൊട്ടാസ്യം സമൃദ്ധമായി ഉള്ളതിനാൽ രക്തസമ്മർദ്ദം കുറയ്ക്കാൻ സഹായിക്കുന്നു.

ഉണക്ക മുന്തിരി (Raisins) പൊട്ടാസ്യം കൂടുതലുള്ളതിനാൽ ബിപി കുറയ്ക്കാൻ സഹായിക്കുന്നതായി പഠനങ്ങൾ കാണിക്കുന്നു..

ഉണക്ക അപ്രിക്കോട്ട് (Dried apricots) പൊട്ടാസ്യം ധാരാളം ഉള്ളതിനാൽ രക്തസമ്മർദ്ദ നിയന്ത്രണത്തിന് വളരെ സഹായകരം.

പ്രൂൺസ് (Prunes / ഉണക്ക പ്ലംസ്) ആന്റിഓക്സിഡന്റുകൾ ഉള്ളതിനാൽ ഹൃദയത്തിന്റെ ആരോഗ്യത്തെ മെച്ചപ്പെടുത്തുകയും ബിപി കുറയ്ക്കാനും സഹായിക്കുന്നു.  

പൊതുവായി: ഈ ഡ്രൈ ഫ്രൂട്ടുകൾ ചെറിയ അളവിൽ  ദിവസവും കഴിക്കുന്നത് നല്ലതാണ്. എന്നാൽ ഒഴിവാക്കേണ്ട ചില ഡ്രൈ ഫ്രൂട്സ് ഉണ്ട്. അവയിൽ ചിലത് ബിപി വർദ്ധിപ്പിക്കാൻ ഇടയാക്കുന്നവയാണ്. അവ ഏതൊക്കെയാണെന്ന് നോക്കാം.

ഉപ്പു ചേർത്ത ഡ്രൈ ഫ്രൂട്ടുകൾ (Salted nuts) സോഡിയം കൂടുതലായതിനാൽ രക്തസമ്മർദ്ദം ഉയരും. പഞ്ചസാര ചേർത്ത/കാൻഡിഡ് ഡ്രൈ ഫ്രൂട്ടുകൾ അധിക പഞ്ചസാര ശരീരഭാരം കൂട്ടുകയും ബി.പി വർധിപ്പിക്കുകയും ചെയ്യും. പ്രോസസ്സ് ചെയ്ത നിറമുള്ള ഡ്രൈ ഫ്രൂട്ടുകൾ (കെമിക്കൽസ് ഉദാ: sulphur dioxide ഉപയോഗിച്ച് തയ്യാറാക്കിയവ) ആരോഗ്യത്തിന് ഹാനികരമാണ്.