സംഗീതത്തിന്റെ സാധ്യതകള് ഏറെയാണ് എന്ന് തെളിയിക്കുന്ന പുതിയൊരു പഠനം കൂടി അടുത്തയിടെ പുറത്തുവന്നിരിക്കുന്നു. പാടുക, സംഗീതോപകരണങ്ങള് വായിക്കുക തുടങ്ങിയവയൊക്കെ ഓട്ടിസം ബാധിച്ച കുട്ടികളില് ഗുണകരമായ മാറ്റങ്ങള് ഉണ്ടാക്കുന്നു എന്നാണ് പുതിയ പഠനം. ഓട്ടിസമുള്ള കുട്ടികളുടെ സാമൂഹ്യബന്ധങ്ങളില് മാറ്റങ്ങള് സൃഷ്ടിക്കാന് ഇവയ്ക്ക് സാധിക്കുമെന്നാണ് പഠനം പറയുന്നത്. ട്രാന്സ്ലേഷനല് സൈക്കാട്രിയുടെ ജേര്ണലിലാണ് ഇത് സംബന്ധിച്ച പഠനം പ്രസിദ്ധീകരിച്ചിരിക്കുന്നത്. ഇന്റര്നാഷനല് ലാബോട്ടറി ഫോര് ബ്രെയ്ന്, മ്യൂസിക് ആന്റ് സൗണ്ടും സ്കൂള് ഓഫ് കമ്മ്യൂണിക്കേഷന് സയന്സ് ആന്റ് ഡിസോര്ഡേഴ്സും ചേര്ന്ന് നടത്തിയ പഠനത്തിലാണ് ഇക്കാര്യം തെളിയിക്കപ്പെട്ടത്. ഓട്ടിസം സ്പെക്ട്രം ഡിസോര്ഡര് ബാധിച്ച ആറിനും 12 നും മധ്യേ പ്രായമുള്ള 51 കുട്ടികളില് നടത്തിയ പഠനമാണ് ഈ നിഗമനത്തിലെത്തിയിരിക്കുന്നത്. കുട്ടികളെ രണ്ടു ഗ്രൂപ്പായി തിരിച്ചായിരുന്നു പഠനം. കുറെ കുട്ടികള് പാട്ടുപാടുകയും സംഗീതോപകരണങ്ങള് വായിക്കുകയും ചചെയ്തു മറ്റ് ഗ്രൂപ്പില് പ്രത്യേകമായ പരിപാടികളൊന്നും ഉണ്ടായിരുന്നില്ല. എന്നാല് രണ്ടു ഗ്രൂപ്പിനും അവസാനത്തെ 45 മിനിറ്റ് മ്യൂസിക് തെറാപ്പിയുമുണ്ടായിരുന്നു. ഈ രണ്ടുഗ്രൂപ്പിനും വ്യത്യസ്തമായ പ്രതികരണമാണ് ഇവ ഉളവാക്കിയത്. പാട്ടുപാടുകയും സംഗീതോപകരണങ്ങള് വായിക്കുകയും ചെയ്ത കുട്ടികളുടെ ആശയവിനിമയത്തിനുള്ള കഴിവ് വര്ദ്ധിക്കുകയും അവരുടെ കുടുംബബന്ധങ്ങള്മെച്ചപ്പെടുകയും