ഇന്നലെ ലോക കാന്‍സര്‍ ദിനമായിരുന്നു. രോഗത്തെ അതിജീവിച്ച സെലിബ്രിറ്റികളുള്‍പ്പടെയുള്ള പലരും തങ്ങളുടെ സ്റ്റോറിയുമായി സോഷ്യല്‍ മീഡിയായില്‍ പ്രത്യക്ഷപ്പെട്ടിരുന്നു.. എന്നാല്‍ അവയില്‍ ഏറെ ഞെട്ടിച്ചുകളഞ്ഞത് താഹിറ കാശ്യപിന്റെ കുറിപ്പും ഫോട്ടോയുമായിരുന്നു. കാന്‍സര്‍ രോഗത്തെ അതിജീവിച്ച ഓപ്പറേഷന്റെ മുറിവുകളുമായി നഗ്നമായ ശരീരത്തിന്റെ പുറംഭാഗം പ്രദര്‍ശിപ്പിച്ചു നില്ക്കുന്ന ചിത്രമായിരുന്നു അത്. ഓപ്പറേഷന്റെ പാടുകള്‍ വ്യക്തമായി കാണത്തക്ക വിധത്തിലുള്ളതായിരുന്നു ചിത്രം. ചിത്രം പങ്കുവച്ചുകൊണ്ട് താഹിറ കുറിച്ച വാക്കുകള്‍ ഇങ്ങനെയായിരുന്നു:
ഇത് എന്റെ ദിവസമാണ്… ഞാനെന്റെ ഈ മുറിവുകളെ എല്ലാ ആദരവുകളോടും കൂടി സ്‌നേഹിക്കുന്നു. .. ഇതെന്നെ സംബന്ധിച്ച് വളരെ ദുഷ്‌ക്കരമായ ഒന്നാണ്. ..എന്നാല്‍ ഈ ചിത്രം എന്റെ തീരുമാനമായിരുന്നു. ഇതെന്റെ രോഗത്തിന്റെ ആഘോഷമല്ല ഞാന്‍ സ്വീകരിച്ച ആതമവീര്യത്തിന്റെ പ്രകടനമാണ്.. പല തവണ നമ്മള്‍ വീണുപോയിട്ടുണ്ടാകും. എന്നാല്‍ പ്രധാനപ്പെട്ട കാര്യം നാം ഒരു പടിയെങ്കിലും മുന്നോട്ടുവച്ചുവെന്നതാണ്… ഞാനെന്റെ മുറിവുകളെ അതിന്റെ എല്ലാ ആദരവുകളോടും കൂടി സ്‌നേഹിക്കുന്നു. യഥാര്‍ത്ഥത്തിലുള്ളസന്തോഷം അടങ്ങിയിരിക്കുന്നത് ഒരാള്‍ തന്നെ തന്നെ സ്വീകരിക്കുമ്പോഴാണ്..
ഇങ്ങനെ പോകുന്നു താഹിറയുടെ കുറിപ്പുകള്‍.