മാന്യമായ മദ്യപാനം എന്ന് കേട്ടിട്ടില്ലേ, ദിവസം ഒന്ന് എന്ന കണക്കില് ആഴ്ചയില് ഏഴോ മറ്റോ കുടിക്കുന്നതുകൊണ്ട് യാതൊരു കുഴപ്പവും ഇല്ല എന്ന് വിചാരിക്കുന്നവര് ധാരാളം. എന്നാല് അത്തരക്കാരുടെ ധാരണ തെറ്റാണെന്നാണ് പുതിയ പഠനം. ഇവര്ക്ക് ഉയര്ന്ന ബ്ലഡ് പ്രഷര് ഉണ്ടാകാനുള്ള സാധ്യത ഏറെയാണത്രെ. അടുത്തകാലം വരെയുള്ള പഠനം വ്യക്തമാക്കിയിരുന്നത് അമിതമാകാത്ത മദ്യപാനം കൊണ്ട് ഹൃദ്രോഗങ്ങള്ക്ക് സാധ്യത വളരെ കുറവാണ് എന്നായിരുന്നു. അതുപോലെ ഉയര്ന്ന രക്തസമ്മര്ദ്ദത്തിന് മിതമായ മദ്യപാനം കാരണമാകില്ല എന്നും കരുതിയിരുന്നു. ആ ധാരണകളാണ് ഇപ്പോള് തിരുത്തപ്പെട്ടിരിക്കുന്നത്.
ആല്ക്കഹോള് വിശപ്പ് കൂട്ടുന്നുവെന്നതിന്റെ പേരിലാണല്ലോ പലരും ഭക്ഷണത്തിന് മുമ്പ് മദ്യപിക്കുന്നത്. ഇങ്ങനെ കുടിക്കുന്ന മദ്യം ബ്രെയ്നിലും ലിവറിലും ചില പ്രതിപ്രവര്ത്തനങ്ങള് നടത്തുകയും അത് ബ്ലഡ് പ്രഷറിന് കാരണമായിത്തീരുകയും ചെയ്യുന്നു. അമേരിക്കന് കോളജ് ഓഫ് കാര്ഡിയോളജിയുടെ 68 ാം വാര്ഷിക സയന്റിഫിക് സെഷനോട് അനുബന്ധിച്ച് ഈ പഠനങ്ങളെക്കുറിച്ച് ചര്ച്ച ചെയ്തു.