കാരറ്റ് കിഴങ്ങ് വര്ഗ്ഗത്തിലെ റാണിയാണ്. പോഷകഗുണങ്ങളും, ഔഷധഗുണങ്ങളും നിറഞ്ഞ കാരറ്റ് നിത്യവും കഴിച്ചാല് നല്ല പ്രയോജനം ചെയ്യും.
- കാരറ്റില് ധാരാളം കരോട്ടിന് അടങ്ങിയിരിക്കുന്നു. കരോട്ടിന് ശരീരത്തില് പ്രവേശിക്കുമ്പോള് ജീവകം എ ആയി രൂപാന്തരം പ്രാപിക്കുന്നു.
- ജീവകം ബി, സി എന്നിവയും കാരറ്റില് ധാരാളമായി അടങ്ങിയിരിക്കുന്നു.
- കാരറ്റ് പാലില് അരച്ച് ചാലിച്ച് ചൊറി, ചിരങ്ങ് എന്നിവ ഉള്ളയിടങ്ങളില് തേച്ചാല് അവ ശമിക്കും.
- പൊള്ളലേറ്റ ഭാഗത്ത് കാരറ്റും, പച്ചമഞ്ഞളും അരച്ച് തേയ്ക്കുന്നത് നല്ലതാണ്.
- രാവിലെയും വൈകീട്ടും അര ഗ്ലാസ് കാരറ്റ് നീര് കുടിച്ചാല് വായുക്ഷോഭം ശമിക്കും. നിത്യവും ഒന്നോ രണ്ടോ കാരറ്റ് തിന്നാല് മലബന്ധം ഇല്ലാതാകും.
- പല്ലുകള് വൃത്തിയാകാന് പച്ച കാരറ്റ് തിന്നുക.
- കാരറ്റ് കൊളസ്ട്രോള് ഇല്ലാതാക്കാന് നല്ലതാണ്.
- കാരറ്റ് നീരില് തേന് ചേര്ത്ത് കഴിച്ചാല് വിളര്ച്ച ഇല്ലാതാകും.
- വായ്പുണ്ണ്, മോണരോഗം എന്നിവയ്ക്ക് കാരറ്റിന്റെ പച്ചയില ദിവസവും ചവച്ചരച്ച് വായ് കഴുകുക.
- കാരറ്റ് മുറിച്ച് വെളിച്ചെണ്ണയില് മൂപ്പിച്ച് തലയില് തേച്ചാല് മുടി കൊഴിച്ചില് ഇല്ലാതാകും.
- കരള്രോഗം, മഞ്ഞപ്പിത്തം എന്നിവയെ അകറ്റി നിര്ത്താനും കാരറ്റ് ഉത്തമമാണ്.
- പഠിക്കുന്ന കുട്ടികള്ക്ക് നിത്യേന കാരറ്റ് നല്കുക. ബുദ്ധിശക്തി വര്ദ്ധിക്കാന് വളരെ നല്ലതാണ്.