അമ്പതുവയസ് ജീവിതത്തിലെ ഒരു നിർണായകഘട്ടമാണ്. യൗവനം മങ്ങിത്തുടങ്ങുകയും വാർദ്ധക്യത്തിന്റെ സൂചനകൾ പ്രത്യക്ഷപ്പെട്ടുതുടങ്ങുകയും ചെയ്തിരിക്കുന്ന അതിസങ്കീർണ്ണഘട്ടം. ശരീരത്തിൽ സ്വാഭാവികമായും പലതരം മാറ്റങ്ങൾ സംഭവിക്കുന്ന ഘട്ടം. പേശികളുടെ അളവ് കുറയുക, മെറ്റബോളിസം മന്ദഗതിയിലാകുക, രക്തസമ്മർദ്ദം, കൊളസ്ട്രോൾ, പ്രമേഹം തുടങ്ങിയ ജീവിതശൈലി രോഗങ്ങൾ എന്നിവയെല്ലാം ഈ ഘട്ടത്തിലെ പ്രത്യേകതകളാണ്. അതുകൊണ്ട് ആരോഗ്യകാര്യങ്ങളിൽ കൂടുതലായി ശ്രദ്ധിക്കേണ്ട കാലമാണ് ഈ പ്രായം.. എന്തൊക്കെയാണ് ഈ പ്രായത്തിലുള്ളവർ ശ്രദ്ധിക്കേണ്ടതെന്നു നോക്കാം.
രക്തസമ്മർദ്ദം
ഉയർന്ന രക്തസമ്മർദ്ദം പലപ്പോഴും വ്യക്തമായ ലക്ഷണങ്ങളില്ലാതെ തന്നെ ഉണ്ടാകാം. എന്നാൽ ദീർഘകാലം നിയന്ത്രണമില്ലാതെ തുടരുമ്പോൾ ഹൃദയം, വൃക്കകൾ, മസ്തിഷ്‌കം തുടങ്ങിയ അവയവങ്ങളെ ബാധിക്കാം. അതിനാൽ ഇടയ്ക്കിടെ രക്ത സമ്മർദ്ദം പരിശോധിക്കുക.
കൊളസ്ട്രോളും രക്തത്തിലെ പഞ്ചസാരയും
50 കഴിഞ്ഞാൽ ഹൃദയസംബന്ധമായ രോഗങ്ങളുടെയും ടൈപ്പ് 2 പ്രമേഹത്തിന്റെയും അപകടസാധ്യത കണക്കിലെടുത്ത് ഹശുശറ ുൃീള ശഹല, രക്തത്തിലെ ഴഹൗരീലെ/ഒയഅ1ര തുടങ്ങിയ പരിശോധനകൾ നടത്തേണ്ടതാണ്.. കുടുംബചരിത്രം, അമിതവണ്ണം മറ്റ് അപകടഘടകങ്ങൾ തുടങ്ങിയവ ഉണ്ടെങ്കിൽ പരിശോധനയുടെ ഇടവേള മാറാം.
ഹൃദയാരോഗ്യം
നെഞ്ചുവേദന, ശ്വാസംമുട്ടൽ, അസാധാരണമായ ക്ഷീണം, തലചുറ്റൽ തുടങ്ങിയ ലക്ഷണങ്ങളെ അവഗണിക്കരുത്. പ്രത്യേകിച്ച് പെട്ടെന്ന് ഉണ്ടാകുന്ന ശക്തമായ നെഞ്ചുവേദന, ശ്വാസതടസ്സം, വിയർപ്പ് എന്നിവ ഉണ്ടായാൽ അടിയന്തര ചികിത്സ തേടണം.
പ്രോസ്റ്റേറ്റ്
പ്രായം കൂടുമ്പോൾ പ്രോസ്റ്റേറ്റ് വലുതാകുന്നത് സാധാരണമാണ്. മൂത്രമൊഴിക്കാൻ ബുദ്ധിമുട്ട്, മൂത്രധാര ദുർബലമാകൽ, ഇടയ്ക്കിടെ മൂത്രമൊഴിക്കേണ്ടിവരിക തുടങ്ങിയ മാറ്റങ്ങൾ ശ്രദ്ധയിൽപെട്ടാൽ അടിയന്തിര ചികിത്സ തേടേണ്ടതാണ്.
കുടലിന്റെ ആരോഗ്യവും കാൻസർ സ്‌ക്രീനിംഗും
50 വയസ്സിനടുത്തും അതിനുശേഷവും colorectal cancer screening കൂടുതൽ പ്രസക്തമാണ്. ശരാശരി അപകടസാധ്യതയുള്ള മുതിർന്നവരിൽ 45 വയസ്സുമുതൽ സ്‌ക്രീനിംഗ് പരിഗണിക്കുന്നു. മലത്തിൽ രക്തം, വിശദീകരിക്കാനാകാത്ത ഭാരം കുറയൽ തുടങ്ങിയ ലക്ഷണങ്ങൾ ഗൗരവം കൊടുക്കേണ്ടവയാണ്.
പേശികളും എല്ലുകളും
പ്രായം കൂടുമ്പോൾ പേശികളുടെ അളവ് കുറയാം. ആഴ്ചയിൽ സ്ഥിരമായ വ്യായാമം ചെയ്യുകയും സ്ട്രംങ്ത് ട്രെയിനിങ് ഉൾപ്പെടുത്തുകയും വേണം. പ്രോട്ടീൻ, കാൽസ്യം, വിറ്റാമിൻ ഉ എന്നിവ ഭക്ഷണത്തിൽ ഉറപ്പുവരുത്തണം.
വയറിന്റെ വലുപ്പവും ശരീരഭാരവും
വയറിന് ചുറ്റുമുള്ള അധിക കൊഴുപ്പ് പ്രമേഹം, ഹൃദ്രോഗം തുടങ്ങിയവയുടെ അപകടസാധ്യത വർധിപ്പിക്കാം. അതിനാൽ ‘ഭാരം മാത്രം’ നോക്കാതെ അരക്കെട്ടിന്റെ അളവ്, ഭക്ഷണരീതി, ശാരീരിക പ്രവർത്തനം എന്നിവക്ക് ശ്രദ്ധകൊടുക്കണം.
പുകവലിയും അമിത മദ്യപാനവും
പുകവലിയും മദ്യപാനവും ഏതുപ്രായത്തിലും ഏതൊരാൾക്കും അപകടമാണ്. അമ്പതുവയസു കഴിയുമ്പോൾ അപകടസാധ്യത കൂടുതലാണ്. അതുകൊണ്ട് അമ്പതുവയസു കഴിയുന്നതോടെ പുകവലിയും മദ്യപാനവും അവസാനിപ്പിക്കുക
ഉറക്കവും മാനസികാരോഗ്യവും
മതിയായ ഉറക്കം ശരീരത്തിനും മനസ്സിനും ആവശ്യമാണ്. സ്ഥിരമായ ഉറക്കക്കുറവ്, അമിതമായ സമ്മർദ്ദം, വിഷാദം, സാമൂഹികമായി ഒറ്റപ്പെടൽ എന്നിവയും ശ്രദ്ധിക്കേണ്ട വിഷയങ്ങളാണ്.
50 വയസ്സ് ആരോഗ്യത്തിന്റെ അവസാനഘട്ടമല്ല; മറിച്ച് അടുത്ത മുപ്പതുവർഷത്തെ ആരോഗ്യത്തിന് അടിത്തറ പാകേണ്ട സമയമാണ്. ദിവസവും നടക്കുക, എക്സർസൈസ് ചെയ്യുക, പച്ചക്കറികളും പഴങ്ങളും ഉൾപ്പെടുന്ന സമീകൃത ഭക്ഷണം കഴിക്കുക, പുകവലി ഒഴിവാക്കുക, ശരീരഭാരം നിയന്ത്രിക്കുക, ആവശ്യമായ ആരോഗ്യപരിശോധനകൾ നടത്തുക. ഈ ചെറിയ ശീലങ്ങൾ വലിയ മാറ്റമുണ്ടാക്കും.
(വിവരങ്ങൾക്ക് കടപ്പാട്: ഇന്റർനെറ്റ്)