ദുർബലനാണോ, എന്തുകൊണ്ട്?

മനുഷ്യൻ ഒരു സാമൂഹികജീവിയാണ്. ഓരോരുത്തരും ഓരോ വിധത്തിലുള്ള സ്വഭാവങ്ങളും കഴിവുകളുമുള്ളവരാണ്. എന്നാൽ എല്ലായ്പ്പോഴും സമൂഹത്തിൽ നാം കാണുന്ന ഒരു വിഭാഗം വ്യക്തികൾ, തങ്ങളുടെ കഴിവുകളെ തികച്ചും തെളിയിക്കാൻ കഴിയാതെ, പിന്നിലായി നിൽക്കുന്നവരാണ്. അവരെ  ദുർബല വ്യക്തികൾ എന്നാണ് വിളിക്കുന്നത്. ഇതൊരിക്കലും ശരീരശക്തിയുടെ കുറവല്ല, മറിച്ച് ആത്മവിശ്വാസത്തിന്റെ കുറവാണ്.വ്യക്തിത്വം ഓരോ മനുഷ്യനും പ്രത്യേകമായി കൊണ്ടിരിക്കുന്ന സ്വഭാവസങ്കേതമാണ്. ചിലർക്കത് ശക്തമായി പ്രകടമാകുമ്പോൾ ചിലരിൽ അത്ര സ്പഷ്ടമല്ല. ഇത്തരത്തിലുള്ള വ്യക്തികളാണ് ‘ദുർബല വ്യക്തികൾ’. ഇവരുടെ മുഖ്യ ലക്ഷണം ആത്മവിശ്വാസത്തിന്റെ കുറവാണ്. സ്വന്തം കഴിവുകളിൽ വിശ്വാസമില്ലാതെ ജീവിക്കുന്നവർ ഒരിക്കലും മുന്നോട്ട് പോവാൻ തയാറാവില്ല. പരീക്ഷയിൽ ചെറിയൊരു പരാജയം വന്നാൽ അവർ മുഴുവൻ ഭാവിയെയും നഷ്ടമായി കാണുന്നു.

 പഠനത്തിൽ കഴിവുള്ള ഒരു വിദ്യാർത്ഥി പ്രസംഗം നടത്തേണ്ടിവന്നാൽ സഹപാഠികളുടെ മുൻപിൽ സംസാരിക്കാൻ ഭയപ്പെട്ട് പിന്തിരിയുന്ന സ്ഥിതി ഇതിനുദാഹരണമാണ് ഈ ഭയം മനസ്സിൽ സ്ഥിരത നേടിയാൽ, അതോടെ ആ വ്യക്തി ക്രമേണദുർബല വ്യക്തിയായി മാറും.  അവർക്ക്ജീവിതലക്ഷ്യവും  സ്വപ്നങ്ങളും നഷ്ടപ്പെടും. ചെറിയൊരു പരാജയത്തിൽ പോലും ഇവർ ആശയക്കുഴപ്പം അനുഭവിക്കുകയും എല്ലായ്പ്പോഴും മറ്റുള്ളവരിൽ ആശ്രയിച്ചു നീങ്ങുകയും ചെയ്യും. സ്വന്തമായി തീരുമാനങ്ങൾ എടുക്കാൻ ബുദ്ധിമുട്ടുകയും നിരന്തരം അസംതൃപ്തി പ്രകടിപ്പിക്കുകയും ചെയ്യുന്നു. മനഃശാസ്ത്രപരമായി, ഇത്തരത്തിലുള്ള വ്യക്തികൾക്ക് ന്യൂറോറ്റിസം (neuroticism) എന്ന സ്വഭാവഗുണം കൂടുതലായി കാണപ്പെടുന്നു. അതായത് അത്യധികം വിഷമത, നിരാശ, സംശയം എന്നിവയെ അടിസ്ഥാനമാക്കിയുള്ള ചിന്താശൈലി.യാണ് ഇത്,
ദുർബല വ്യക്തികൾക്ക് ഭയം എളുപ്പത്തിൽ പിടിപെടുന്ന സ്വഭാവമുണ്ട്. ഈ ഭയം പലപ്പോഴും അവരെ സാമൂഹിക പരിതസ്ഥിതികളിൽ നിന്നും ഒറ്റപ്പെടാൻ ഇടയാക്കുന്നു. പുതിയ സാഹചര്യങ്ങളോ, ചെറുതും വലുതുമായ വെല്ലുവിളികളോ നേരിടുമ്പോൾ അവർക്കുണ്ടാകുന്ന ആശങ്ക, മനസ്സിലുള്ള ഉറച്ച നിലപാടുകൾ ഇല്ലായ്മ എന്നിവ അവരെ പിന്നോട്ട് തള്ളുന്നു. മറ്റ് വ്യക്തികളുമായി ഉറ്റബന്ധം സ്ഥാപിക്കാനും അഭിപ്രായങ്ങൾ തുറന്നുപറയാനും ഇവർ മടിക്കും. ദുർബല വ്യക്തികൾക്ക് എല്ലായ്പ്പോഴും അനിശ്ചിതത്വത്തെ കുറിച്ചുള്ള ആശങ്കയുണ്ട്. ഒരു ചെറിയ മാറ്റം പോലും ഇവരുടെ മനസ്സിൽ വലിയ ഭീതിയുണ്ടാക്കും.

ദുർബല വ്യക്തികൾക്ക് സ്ഥിരതയില്ലായ്മ ഒരു പ്രധാന ലക്ഷണമാണ്. അവർ ഒരു ലക്ഷ്യത്തിലേക്ക് നീങ്ങുന്നതിനു മുൻപ് തന്നെ പല വഴികളിലേക്കും ചിന്തിച്ചുകൊണ്ട് ചിതറിയ നിലയിലാകാറുണ്ട്. ഒരിക്കലും തങ്ങളാൽ വിജയിക്കാൻ കഴിയില്ലെന്ന് മനസ്സിൽ ഉറച്ചു വിശ്വസിക്കുന്നതിനാൽ അവർ പരീക്ഷണങ്ങൾ നടത്തുന്നതിൽ പോലും ഭയക്കാറുണ്ട്. ഇവർക്ക് ഉള്ള ആത്മസംശയം ഭാവി സ്വപ്‌നങ്ങളെ നശിപ്പിക്കുകയും സ്ഥിരമായ ദു:ഖം സമ്മാനിക്കുകയും ചെയ്യുന്നു.സ്ഥിരത എന്നത് ഒരു വ്യക്തിയുടെ വളർച്ചയ്ക്ക് അത്യന്താപേക്ഷിതമായ ഘടകമാണ്. എന്നാൽ ദുർബല വ്യക്തികൾക്ക് ഇത്തരത്തിലുള്ള സ്ഥിരത ഇല്ല. അവർ ഒരു തീരുമാനം എടുക്കുമ്പോൾ അതിൽ ഉറച്ചുനില്ക്കാൻ കഴിയില്ല. കാരണം, മനസ്സിൽ സംശയങ്ങൾ ഉരുത്തിരിയും.

‘ഇത് ശരിയായ തീരുമാനമാണോ?’, ‘മറ്റുള്ളവർ എന്ത് ചിന്തിക്കും?’ എന്നിങ്ങനെ നിരന്തരം ചിന്തിച്ചുകൊണ്ടിരിക്കുന്ന അവസ്ഥ. ഇതിന്റെ ഫലം  ഒരിക്കലും ഉയർന്ന ലക്ഷ്യങ്ങൾ നേടാൻ കഴിയാത്ത ജീവിതമായിരിക്കും.

ദുർബലവ്യക്തികൾക്ക് വികാരനിയന്ത്രണക്ഷമത കുറഞ്ഞതാണ്. ചെറിയ കാര്യങ്ങൾ പോലും അതീവതീവ്രമായി അവർ അനുഭവപ്പെടും. അതിനാൽ ദുഃഖം, വിഷമം, എളുപ്പത്തിൽ പൊട്ടിത്തെറിക്കൽ, നിസാര കാര്യത്തിൽ വിഷാദം എന്നിവയും ഇക്കൂട്ടരിൽ പ്രകടമാകും ഈ വികാരങ്ങൾ അവരുടെ വ്യക്തിപരവും സാമൂഹികവുമായ ജീവിതത്തെ ദോഷകരമായി ബാധിക്കുന്നു.മറ്റുള്ളവരുടെ ചെറിയൊരു വിമർശനം പോലും അവർക്ക് താങ്ങാൻ കഴിയില്ല. അതിലൂടെ ആത്മാർത്ഥ ബന്ധങ്ങൾ വരെ നഷ്ടപ്പെടുത്തും.

ദുർബലത്വം ശാരീരികമായും ബാധിക്കാറുണ്ട്, ഉറക്കമില്ലായ്മ, ഉത്കണ്ഠാരോഗങ്ങൾ, ഡിപ്രഷൻ, മുൻകോപം തുടങ്ങിയവ ഇതിന്റെ ഭാഗങ്ങളാണ്.
ദുർബലത്വം എന്നത് ജന്മസിദ്ധമല്ല. ജീവിതാനുഭവങ്ങളിലൂടെയാണ് നമ്മൾ അതിലേക്ക് വഴുതിവീഴുന്നത്.. എന്നാൽ ആത്മവിശ്വാസം, ശ്രമം, പോസിറ്റീവ് ചിന്ത എന്നിവയിലൂടെ ദുർബലത്വത്തെ ജയിക്കാൻ കഴിയും. സമൂഹം ഈ വ്യക്തികളോട് സഹാനുഭൂതിയോടെയും പ്രേരണയോടെയും സമീപിക്കേണ്ടതുണ്ട്. ഓരോ വ്യക്തിയുടെയും ആത്മവിശ്വാസം വളർത്തുന്ന ഒരു പോസിറ്റീവ് അന്തരീക്ഷം സമൂഹം ഒരുക്കുമ്പോഴാണ് ദുർബലത്വത്തിൽ നിന്ന് കരകയറാൻ സാധിക്കുന്നത്., ദീർഘകാല ദു:ഖം മനസ്സിനെയും ശരീരത്തെയും തകർക്കുന്നു. അതിനാൽ, ഈ ദുർബലത്വം വ്യക്തിയുടെ സമ്പൂർണ്ണ ഉത്പാദനക്ഷമതയും നശിപ്പിക്കും. ദുർബലത്വം സ്ഥിരമായ ഒന്നല്ല. അതിനെ മറികടക്കാൻ വ്യക്തിയും സമൂഹവും ചേർന്ന് ശ്രമിക്കേണ്ടതുണ്ട്.. മനോനില മനസ്സിലാക്കുക: സ്വയം മനസ്സിലാക്കൽ (selfawareness) എന്നിവ ഇതിൽ പ്രധാനമാണ്. ഞാൻ എന്തുകൊണ്ടാണ് ദുർബലത്വം അനുഭവിക്കുന്നത് എന്ന് തിരിച്ചറിയുന്നത് തന്നെയാണ് പ്രശ്ന പരിഹാരത്തിനുള്ള ആദ്യപടി..    പോസിറ്റീവ് ചിന്താ രീതികൾ വളർത്തുക: മറ്റുള്ളവരിൽ നിന്നും പിന്തുണ തേടുക. ആത്മവിശ്വാസം പാടേ ഇല്ലാതാകുന്നതിനു മുൻപ്, ചെറിയ വിജയങ്ങൾക്ക് അഭിനന്ദനം പറയുന്ന ശൈലി വളർത്തുക.    ചെറിയ ലക്ഷ്യങ്ങളിൽ തുടങ്ങുക: വലുതായ സ്വപ്നങ്ങളിൽ പൂർത്തീകരിക്കുക. അതിന്  ദിവസംതോറും പൂർത്തിയാക്കാവുന്ന ചെറിയ ലക്ഷ്യങ്ങൾ നിശ്ചയിക്കുക.    മനഃശാസ്ത്ര സഹായം തേടുക: ചിലർക്ക് സൈക്കോളജിക്കൽ കൗൺസലിംഗ് സഹായകരമായിരിക്കും.