ഹെര്ണിയ ഓപ്പറേഷന് നടത്തിയ സ്ത്രീയുടെ വയറിനുള്ളില് നിന്ന് ഡോക്ടര്മാര് കത്രികയെടുക്കാന് മറന്നു. അത് പുറത്തെടുക്കാന് വീണ്ടും അടിയന്തിര ഓപ്പറേഷന് നടത്തി. ഹൈദരാബാദ് നിസാം ഇന്സ്റ്റിറ്റ്യൂട്ട് ഓഫ് മെഡിക്കല് സയന്സിലാണ് സംഭവം. മഹേശ്വരി ചൗധരി എന്ന മുപ്പത്തിമൂന്നുകാരിക്കാണ് ഈ ദുരനുഭവം ഉണ്ടായത്. ഒക്ടോബര് 31 ന് ഹെര്ണിയായുടെ ഓപ്പറേഷന് വേണ്ടി ഹോസ്പിറ്റലില് മഹേശ്വരി അഡ്മിറ്റായി.
നവംബര് രണ്ടിന്് ഓപ്പറേഷന് നടന്നു. പന്ത്രണ്ടിന് ഡിസ്ചാര്ജും ചെയ്തു. പിന്നീട് കാര്യമായ പ്രശ്നങ്ങളൊന്നുമില്ലാതെ ദിവസങ്ങള് കടന്നുപോയി. എന്നാല് 2019 ഫെബ്രുവരി എട്ടിന് കഠിനമായ വേദനയും ഛര്ദ്ദിയും മൂലം മഹേശ്വരി വീണ്ടും ആശുപത്രിയിലെത്തി. എക്സറേ പരിശോധനയിലാണ് വയറിനുള്ളില് കത്രിക കണ്ടെത്തിയത്. തുടര്ന്ന് അടിയന്തിര ശസ്ത്രക്രിയ നടത്തുകയായിരുന്നു. റേഡിയോളജി ഡിപ്പാര്ട്ട്മെന്റ് ഇക്കാര്യം മറച്ചുവയ്ക്കാന് ശ്രമിക്കുകയായിരുന്നുവെന്ന് മഹേശ്വരിയുടെ ഭര്ത്താവ് കുറ്റപ്പെടുത്തി. കത്രിക മറന്നുപോയത്് നിര്ഭാഗ്യകരമായ സംഭവമാണെന്ന് ഹോസ്പിറ്റല് ഡയറക്ടര് ഡോ. കെ മനോഹര് പ്രതികരിച്ചു.
സംഭവത്തെക്കുറിച്ച് പഠിച്ച് റിപ്പോര്ട്ട് സമര്പ്പിക്കാന് മൂന്നംഗ കമ്മറ്റിയെ ചുമതലപ്പെടുത്തിയിട്ടുണ്ട്. മഹേശ്വരിയുടെ ഭര്ത്താവിന്റെ പരാതിയെതുടര്ന്ന്( സെക്ഷന് 336, 337) ഹോസ്പിറ്റലിലെ ഗ്യാസ്ട്രോഎന്ഡോളജിഡിപ്പാര്ട്ട്മെന്റിലെ ടീമിനെതിരെ പോലീസ് കേസെടുത്ത് അന്വേഷണം ആരംഭിച്ചു.