കൂടുതൽ സമയം കമ്പ്യൂട്ടറിലും മൊബൈലിലും ചെലവഴിക്കുന്നവരാണ് പലരും. മുൻകാലങ്ങളിലെന്നതിനെക്കാളേറെ കാഴ്ചക്കുറവും കണ്ണുമായി ബന്ധപ്പെട്ട മറ്റ് രോഗങ്ങളും കൂടുതലാകുന്നതിനും ഇതൊരു കാരണമാണ്. അതുകൊണ്ടുതന്നെ കണ്ണിന്റെ ആരോഗ്യത്തിന് കൂടുതൽ ശ്രദ്ധയും പരിചരണവും ഇന്നത്തെ കാലത്തിന്റെ ആവശ്യമാണ്. ഭക്ഷണത്തിലൂടെ ഒരുപരിധിവരെ കണ്ണിന്റെ ആരോഗ്യം സംരക്ഷിക്കാനാവും.
ഓറഞ്ച്
വിറ്റമിൻ സി അടങ്ങിയിരിക്കുന്ന ഓറഞ്ചുപോലെയുള്ള പഴങ്ങൾ നിത്യവും ഭക്ഷ ണത്തിൽ ഉൾപ്പെടുത്തുക. കണ്ണിലെ ബ്ലഡ് വെസൽസിന്റെ ആരോഗ്യത്തിന് ഇവയേറെ ഗുണം ചെയ്യും. എല്ലാ ദിവസവും ഓറഞ്ച് കഴിക്കുന്നതുവഴി തിമിരവും പ്രായവുമായി ബന്ധപ്പെട്ട കണ്ണുരോഗങ്ങളും ഒരുപരിധിവരെ കുറയ്ക്കാൻസാധിക്കും.
കാരറ്റ്
ബെറ്റ കരോട്ടെൻ ഉയർന്ന തോതിൽ അടങ്ങിയിട്ടുള്ള കാരറ്റ് കാഴ്ചശക്തി വർദ്ധിപ്പിക്കും. നിശാന്ധതപോലെയുള്ള പല നേത്രരോഗങ്ങൾക്കും ഇത് ഫലപ്രദമാണ്.
ബ്രൊക്കോളി, ചീര
ബ്രൊക്കോളിയും ചീരയുമാണ് മറ്റ് രണ്ട് വിഭവങ്ങൾ. പ്രായസംബന്ധിയായ നേത്രരോഗങ്ങൾക്ക് പരിഹാരമാണ് ചീര.
ഉരുളക്കിഴങ്ങ്
കൂടുതൽ സമയം കമ്പ്യൂട്ടറും മൊബൈലും ഉപയോഗിക്കുന്നവരുടെ കണ്ണുകൾക്ക് വരൾച്ച അനുഭവപ്പെടാറുണ്ട്. ആന്റി ഓക്സിഡന്റുകൾ അടങ്ങിയിട്ടുള്ള ഉരുളക്കിഴങ്ങ് ഈ പ്രശ്നത്തിന് പരിഹാരമാണ്.
വാൾനട്ട്സ്, ബ്ലൂബെറി, ആൽമണ്ട്സ്, ഒമേഗ 3 അടങ്ങിയ മത്സ്യങ്ങൾ ഇവയും നേത്രാരോഗ്യത്തിന് മികച്ചതാണ്.