ഒത്തിരി ചിന്തിച്ച ഒരു കാര്യമാണ്, What is me in me. സെക്കന്റുകൾ തുടങ്ങി മണിക്കൂറുകൾ ദൈർഘ്യമുള്ള ചിന്താസംഭാഷണങ്ങൾ മാറിമാറി കേട്ടാൽ വിജ്ഞാനത്തിന്റെ എത്താൻ കഴിയാത്ത തലങ്ങളിലേക്കു അവർ കൊണ്ടുപോകും. അപ്പോഴും ഞാൻ എന്നിലേക്കു തന്നെ നോക്കിയിരിക്കും. ആരും കാണാത്ത എന്നിലെ എന്നെക്കുറിച്ചു അവർ തന്നെ എത്ര വ്യാഖ്യാനങ്ങളാണ് തരാൻ തയ്യാറായി നില്ക്കുന്നത് ! ഒന്നു നിന്നുകൊടുത്താൽ തലങ്ങും വിലങ്ങും കുത്തൊഴുക്കുപോലെയാണ് ഉപദേശങ്ങൾ വരുന്നത്. ആ പ്രവാഹത്തോട് ഒന്ന് നിശ്ശബ്ദമാകാൻ പറഞ്ഞാൽ ഈ ലോകം കണ്ട ഏറ്റവും വലിയ അഹങ്കാരിയായി എന്നിലെ ഞാൻ അവർക്കു മാറും.. ഇവിടെയൊക്കെ ആർക്കും ഒന്നും തൊടാനാവാത്ത ഒരു തീരുമാനമുണ്ട്.
ഒന്ന് സ്വയം നിശ്ശബ്ദമാകുക. വന്നവർ വന്നവഴി തന്നെ പൊയ്ക്കോളും. കൂടിവന്നാൽ കുറച്ചുനാൾ. കാരണം അവർക്ക് എന്നിലെ എന്നോടുളള ത്രിൽ അവസാനിച്ചിരിക്കുന്നു. ആ പഴയ ആവേശം കിട്ടുന്നില്ല. കാരണം എന്നിലെ ഞാന് അവരുടെ ഭാഷയിൽ കാര്യമായി എന്തോ സംഭവിച്ചിരിക്കുന്നു. അതും അംഗീകരിക്കണമല്ലോ…!
സനീഷ് തെക്കേത്തല