കറുത്തവളാണ് ജാനകി കെ.എസ് കൃഷ്ണ. മോഡലിംങിന് അവശ്യമെന്ന് നിശ്ചയിച്ചുവച്ചിരിക്കുന്ന ഉടലളവുകൾ ഒന്നും ഇല്ലാത്തവൾ. പോരാഞ്ഞ് മുച്ചുണ്ടും. പക്ഷേ ഇന്ന് കേരളത്തിലെ ആദ്യത്തെ cleft lip model ആയിമാറിയിരിക്കുകയാണ് ജാനകി. ജാനകിയെ ഈ അവസ്ഥയിലേക്ക് മാറ്റിക്കൊണ്ടുവന്നിരിക്കുന്നത് ട്രാൻസ്ജെൻഡർ ആക്ടിവിസ്റ്റും മേക്കപ്പ് ആർട്ടിസ്റ്റുമായ സൂര്യഇഷാനാണ്. ഡാൻസും മോഡലിംങും ഫാഷനും ഒക്കെ ഇഷ്ടപ്പെടുന്നവളാണ് കല്യാണി. പക്ഷേ തന്റെ ശാരീരികപരിമിതികൾ വച്ചുകൊണ്ട് ആഗ്രഹിക്കുന്ന പദവികളിൽ എത്തിച്ചേരാൻ തനിക്ക് കഴിയില്ലെന്ന് അവൾ ഭയന്നിരുന്നു.സ്വപ്നസാക്ഷാത്ക്കാരത്തിന് ശ്രമിച്ചപ്പോൾ കിട്ടിയ അനുഭവങ്ങളെല്ലാം പറഞ്ഞുതന്നതും അതുതന്നെയായിരുന്നു. ബോഡി ഷെയ്മിംങ് പലയിടത്തും നിന്നും കിട്ടി മനസ്സ്തളർന്നിരിക്കുമ്പോഴാണ് സൂര്യ ഇഷാന്റെ ശ്രദ്ധ കല്യാണിയിൽ പതിയുന്നത്. അത് കല്യാണിയുടെ ജീവിതത്തിലെ വഴിത്തിരിവായി. മേക്കോവർ നടത്തിയപ്പോൾ കല്യാണിക്ക് തന്നെ അത്ഭുതം. ഇത് താൻതന്നെയോ?
കൈ പിടിക്കാൻ ഒരാളുണ്ടെങ്കിൽ, പോരടിക്കാൻ തയ്യാറാണെങ്കിൽ, സ്വപ്നങ്ങളുണ്ടെങ്കിൽ സമൂഹം കല്പിക്കുന്ന അതിരുകളെ മായ്ച്ച് നി ങ്ങൾക്ക് മുന്നേറാൻ കഴിയും. അപ്പോൾ നിങ്ങൾ ആര് എന്നത് അപ്രധാനമാകും. നിങ്ങൾ എന്ത് എന്നതു മാത്രം പ്രസക്തവും.