ഓരോ ചുംബനവും ഓരോ സ്നേഹമാണ്.ഓരോ സ്നേഹവും അതിൽത്തന്നെ വ്യത്യസ്തവും. അതുകൊണ്ടുതന്നെ ചുംബിക്കുമ്പോൾ വെളിവാക്കപ്പെടുന്നത് സ്നേഹമാണ്. പരിഗണനയും വാത്സല്യവും ആദരവും കരുതലും ബഹുമാനവും ഉണർത്തുന്ന എത്രയെത്ര ചുംബനങ്ങൾ. അതിശക്തമായ വികാരം പ്രകടിപ്പിക്കുന്ന ഏറ്റവും അടുപ്പമുള്ള സ്നേഹപ്രവൃത്തിയാണ് ചുംബനം. ഓരോ ചുംബനവും പരസ്പരമുള്ള ബന്ധത്തെക്കുറിച്ച് നിരവധിയായ കാര്യങ്ങൾ പറയുന്നുണ്ട്.
രണ്ടുവ്യക്തികൾ തമ്മിലുള്ള അടുപ്പവും താല്പര്യവും സൂചിപ്പിക്കുന്നവയാണ് കവിളിലുള്ള ചുംബനങ്ങൾ. എല്ലാ സംസ്‌കാരങ്ങളിലും ഇത്തരത്തിലുള്ള ചുംബനങ്ങളുണ്ട്. അവയെ ഹലോ യ്ക്കു തുല്യമായിട്ടാണ് കണക്കാക്കപ്പെടുന്നതും. വിഷമിച്ചിരിക്കുന്ന ഒരാളെ സ്ന്തോഷിപ്പിക്കാൻ കവിളത്തുപതിയുന്ന ഒരു ചുംബനത്തിന് കഴിവുണ്ട്.
മുർദ്ധാവിൽ ചുംബിക്കുമ്പോൾ വ്യക്തമാക്കുന്നത് നിന്റെ അടുക്കൽ ഞാൻ സുരക്ഷിതത്വബോധം അനുഭവിക്കുന്നു എന്നാണ്. രണ്ടു വ്യക്തികൾ തമ്മിലുള്ള അടുപ്പവും വിശ്വാസവും വർദ്ധിപ്പിക്കുന്നവയിൽ പ്രധാനപ്പെട്ട പ്രവൃത്തിയാണ് ഇത്. ചിലബന്ധങ്ങളുടെ തുടക്കത്തിൽ ചിലർ ഇപ്രകാരം ചുംബിക്കാറുണ്ട്.
കൈയിൽ ചുംബിക്കുന്നതാണ് മറ്റൊന്ന്. യൂറോപ്യൻ സംസ്‌കാരത്തിലാണ് ഇത്തരമൊരു ചുംബനത്തിന്റെ പിറവി. ആദരവിന്റെ സൂചനയായിട്ടാണ് ഇത് കണക്കാക്കപ്പെടുന്നത്. ചുണ്ടുകൾചുണ്ടുകളെ ചുംബിക്കുന്ന ചുംബനം രണ്ടുവ്യക്തികൾ തമ്മിലുളള അങ്ങേയറ്റം തീവ്രവും ആഴമേറിയതുമായ ബന്ധത്തിന്റെ സൂചനയാണ്.
കാതുകളിലും കഴുത്തിലും ഉമ്മവയ്ക്കുന്നത് വികാരഭരിതവും ഇന്ദ്രിയപരവുമായ പ്രണയത്തെ ഉണർത്താൻ വേണ്ടിയുള്ളവയാണ്. ലൈംഗികതയുമായി അവ കൂടുതൽ ബന്ധപ്പെട്ടിരിക്കുന്നു. ആഴത്തിൽ തോന്നിക്കുന്ന സ്നേഹ ഉടമ്പടിയുടെ, സ്നേഹത്തിന്റെ, ആരാധനയുടെ ശുദ്ധമായ രൂപമാണ് മൂക്കിൽ ഉമ്മവയ്ക്കുന്നത്.
ജീവിതത്തിൽ എപ്പോഴെങ്കിലും ചുംബനം കിട്ടാത്തവരുണ്ടോ? നീയെന്നെ ചുംബിച്ചിരുന്നുവെങ്കിൽ എന്ന് ഒരിക്കലെങ്കിലും ആരെക്കുറിച്ചെങ്കിലും ആഗ്രഹിക്കാത്തവരുണ്ടോ?