ടോക്സിക് മാതാപിതാക്കളെക്കുറിച്ച് ആദ്യം മനസ്സിലാക്കേണ്ട കാര്യം അവരെ ഒരിക്കലും നമുക്ക് മാറ്റിയെടുക്കാൻ കഴിയില്ല എന്നതാണ്. അത്തരമൊരു ശ്രമം നടത്തിയാൽ വിജ
യിക്കാനുള്ള സാധ്യത വളരെ കുറവുമാണ്. യാഥാർത്ഥ്യബോധത്തോടെയായിരിക്കണം ഈ വിഷ യത്തെ സ്വീകരിക്കേണ്ടത്. അനാരോഗ്യകരമായ പ്രതീക്ഷകൾ വച്ചുപുലർത്താതെയുമിരിക്കുക.
ടോക്സിക് മാതാപിതാക്കൾ എപ്പോഴും സ്വരമുയർത്തിയും ദേഷ്യപ്പെട്ടും പറഞ്ഞുകൊണ്ടിരിക്കുന്നത് മക്കളുടെ വികാരങ്ങൾ അപ്രസക്തങ്ങളാണെന്നാണ്. എന്നാൽ ഓരോരുത്തർക്കും അവരവരുടെ വൈകാരികതയും വിചാരങ്ങളും പ്രധാനപ്പെട്ടതാണ്. തങ്ങളുടെ ഫീലിങ്സ് പ്രസക്തങ്ങളാണെന്ന് തന്നെ വിശ്വസിച്ചു മുന്നോട്ടുപോവുകയാണ് വേണ്ടത്. ഇത് കഠിനമായ സങ്കടങ്ങളിൽ നിന്ന് അവരെ രക്ഷിക്കും.
കൃത്യമായ അതിരുകൾ സൂക്ഷിക്കാൻ ശ്രമിക്കുക. മാതാപിതാക്കൾ അവരുടെ വിഷലിപ്തമായ സ്വഭാവം പ്രകടിപ്പിക്കുമ്പോൾ അത് മക്കൾ പ്രതീക്ഷിക്കുന്നതിനും അപ്പുറത്തേക്കു പോകാറുണ്ട്. അതിരുകൾ സംരക്ഷിക്കപ്പെടുന്നില്ലെങ്കിൽ ദൂരവ്യാപകമായ പ്രത്യാഘാതങ്ങൾ ഉണ്ടാകുമെന്ന് മനസ്സിലാക്കിയിരിക്കുക.
മാതാപിതാക്കൾ നിങ്ങളെ പിന്തുണയ്ക്കുകയോ വേണ്ടവിധം പരിഗണിക്കുകയോ ചെയ്യാതെ പോകുന്ന സന്ദർഭങ്ങളിൽ നിങ്ങളെ പിന്തുണയ്ക്കുകയും അംഗീകരിക്കുകയും ചെയ്യുന്ന ഒരു സപ്പോർട്ട് സിസ്റ്റം കണ്ടുപിടിക്കേണ്ടത് അത്യാവശ്യമാണ്. നിങ്ങളുടെ വൈകാരികാവശ്യങ്ങൾ ന്യായമാണെന്ന് സമ്മതിക്കുന്ന ഒരാളുടെ പിന്തുണ നിങ്ങൾ അർഹിക്കുന്നു. എന്നാൽ ഈ തിരഞ്ഞെടുപ്പ് വിവേകപൂർവ്വമായിരിക്കാൻ ശ്രദ്ധിക്കേണ്ടതുണ്ട്. ഇല്ലെങ്കിൽ കൂടുതൽ അപകടത്തിൽ ചെന്നുചാടാൻ സാധ്യതയുണ്ട്.