പുരുഷന് മാത്രം ഉണ്ടാകുന്ന രോഗം!

പുരുഷന്മാരെ മാത്രം പിടികൂടുന്ന രോഗമുണ്ടോ? പലർക്കും സംശയം തോന്നാം. പക്ഷേ സംഭവം സത്യമാണ്. പുരുഷന്മാർക്ക് മാത്രം ഉണ്ടാകുന്ന ഒരു രോഗമാണ് ഹീമോഫീലിയ. രക്തം കട്ടപിടിക്കാതെ രക്തസ്രാവത്തിനു കാരണമാകുന്ന അസുഖമാണ് ഇത്. രക്തം കട്ടപിടിക്കാൻ സഹായിക്കുന്ന പ്രോട്ടീൻ ഘടകം രക്തത്തിൽ കുറഞ്ഞുപോകുന്നതാണ് ഈ രോഗത്തിന്റെ കാരണം. ജനിതകതകരാറുമൂലമാണ് ഈ രോഗം പിടിപെടുന്നത്. ഇംഗ്ലണ്ടിലെ രാജകുടുംബത്തിൽ ഈ അസുഖം ഉണ്ടായിരുന്നതുകൊണ്ട് രാജകീയ രോഗം എന്നൊരു വിളിപ്പേരുമുണ്ട്. അതുപോലെ ക്രിസ്മസ് രോഗം എന്നും വിളിക്കാറുണ്ട്. ഗ്രീക്ക് ഭാഷയിലെ രക്തം എന്നർത്ഥമുള്ള halma സ്നേഹം എന്ന് അർത്ഥമുള്ള phllia എന്നീ വാക്കുകളിൽ നിന്നാണ് ഹീമോഫീലിയ എന്ന പദം ഉണ്ടായത്. ശരീരത്തിൽ രക്തം കട്ടപിടിക്കാൻ സഹായിക്കുന്ന 12 ഘടകങ്ങളുണ്ട്. ഇവ ക്ലോട്ടിംങ് ഫാക്ടറുകൾ എന്നാണ് അറിയപ്പെടുന്നത്. ഇവ രക്തത്തിലെ പ്ലേറ്റ്ലെറ്റുകളുമായി പ്രവർത്തിച്ചാണ് രക്തം കട്ടപിടിക്കുന്നത്. എന്നാൽ ഇവയിൽ 8,9 എന്നിവയിൽ ഒന്ന് ഇല്ലാതാകുകയോ കുറച്ചുമാത്രം ഉണ്ടാവുകയോ ചെയ്യുന്ന അവസ്ഥയാണ് ഹീമോഫീലിയ. പൊതുവെ ജനിത രോഗമായിട്ടാണ് വിലയിരുത്തപ്പെടുന്നത്. അമ്മയുടെ എക്സ് ക്രോമസോമിലെ ജീൻ വികലമായാൽ ആൺകുട്ടികളിൽ ഹീമോഫീലിയ വരാവുന്നതാണ്.

(ഇന്റർനെറ്റ് സ്രോതസുകൾ)