മൂന്നു മാസത്തെ കോയമ്പത്തൂർ വാസത്തിനൊടുവിൽ പുതിയ ആളായി ജെൻസൻ നാട്ടിൽ തിരിച്ചെത്തി. കുറച്ചുകാലം സമാനമായ ജീവിതാവസ്ഥ പേറി ജീവിതത്തിൽ വിജയിച്ച നാട്ടുകാരനും മാലക്കല്ല് സ്വദേശിയുമായ ബെന്നിയുടെ ഒപ്പം നിന്ന് വീൽചെയർ ജീവിതം പരിചയിച്ചുറച്ചു. പിന്നെ വീണ്ടും വീട്ടിലേക്ക്. ഇനിയാണവന്റെ സ്വപ്നത്തിലേക്കുള്ള പ്രയാസം. അതിന്റെ പാതയിലാണവൻ. റോഡരികിൽ അതിനായവൻ അഞ്ചു സെന്റ് സ്ഥലം വാങ്ങി. ഇനി അവിടെ ഒരു ചെറിയ കെട്ടിടം പണിയണം. താഴത്തെ നിലയിൽ ഒരു കടമുറിയും പിന്നെ അവന് താമസിക്കാൻ ഒരിടവും. മുകളിലത്തെ നിലയിൽ വാടകസ്ഥലവും.
പണമല്ല നിശ്ചയദാർഢ്യമാണ് ജെൻസന് കൈമുതൽ. നാട്ടുകാരും കൂട്ടുകാരും സഹായിച്ചതിലേറെയും ചികിത്സയ്ക്കായി ചെലവഴിച്ചു. ബാക്കി പണവും പിന്നെ കടവും വാങ്ങി അവൻ ഇപ്പോൾ സ്ഥലം വാങ്ങി. ഇനി കെട്ടിടം വയ്ക്കണം. പിന്നെ താമസം തുടങ്ങണം. കൂടെ, ഉയർത്തെഴുന്നേറ്റ ജീവിത സ്വപ്നങ്ങളെ പറത്തിവിടണം. തോൽക്കാതെ മുന്നേറണം. നാളെ എന്തെന്നല്ല, ഇന്ന് എങ്ങനെ എന്ന് മാത്രമാണ് അവന്റെ ചിന്ത. അതിനാണ് അവൻ ഉറച്ച മനസുമായി ജീവിക്കുന്നതും. ഇനി അവൻ ജീവിക്കട്ടെ, നമുക്കതിൽ സന്തോഷിക്കാം. കഴിയുന്നവർക്ക് സഹായിക്കാം.
ജെൻസന്റെ ഫോൺ നമ്പർ-7356269050.