നിങ്ങൾ ജെനുവിൻ വ്യക്തിയാണോ?

അവൻ ആളൊരു ഫെയ്ക്കാണ്..
അവൾക്ക് ഡബിൾ ഫെയ്സാ.
മറ്റുള്ളവരെക്കുറിച്ച് ഇങ്ങനെ ചില അഭിപ്രായപ്രകടനങ്ങൾ നടത്തുന്നവരാണ് നമ്മൾ. എന്നാൽ ഇതേ ആരോപണം നമുക്കെതിരെയും ആരെങ്കിലുമൊക്കെ പറയാറുണ്ടോ? സ്വന്തമായി നമുക്ക് ഒരു അന്വേഷണം നടത്താം. ജെനുവിൻ വ്യക്തികളുടേതായ സ്വഭാവപ്രത്യേകതകൾ ഇവയാണ്.

 ചിന്തിക്കുന്നതേ  പറയൂ

ഉള്ളിൽ ഒന്നുവച്ച്  പുറമേയ്ക്ക് മറ്റൊന്ന് പറയുന്നത് ജെനുവിൻ വ്യക്തികളുടെ രീതിയല്ല. മറ്റുള്ളവരെ സന്തോഷിപ്പിക്കാൻ വേണ്ടി അവർ നുണകൾ പറയാറില്ല. പ്രീതി സമ്പാദിക്കാൻ മുഖസ്തുതിപറച്ചിലുമില്ല. ഉള്ളിലുള്ളത് അവർ തുറന്നുപറയും.

അവനവരോട്  തന്നെ  സത്യസന്ധർ

അവനവരോട് സത്യസന്ധരായിരിക്കുക എ ന്നാൽ കാർക്കശ്യംപുലർത്തുന്നതോ വ്യത്യസ്ത സാഹചര്യങ്ങളുമായി പൊരുത്തപ്പെടാൻ തയ്യാറാവാതെയിരിക്കുന്നതോ അല്ല. മറിച്ച് തങ്ങളോട് വിയോജിപ്പുള്ളവരോടും തങ്ങളെ ബുദ്ധിമുട്ടിക്കുന്നവരോടും സൗഹാർദ്ദപരമായ സമീപനവും അനുകമ്പയും പുലർത്തുക എന്നതാണ്. മറ്റുള്ളവരുടെ കാര്യങ്ങളിൽ അവർ കരുതലുള്ളവരുമായിരിക്കും.

സ്വന്തമായ വഴിയിലൂടെ സഞ്ചരിക്കുന്നവർ

മറ്റുള്ളവർ വെട്ടിയ വഴിയിലൂടെയല്ല സ്വന്തം വഴിയിലൂടെ സഞ്ചരിക്കാൻ ആഗ്രഹിക്കുന്നവരാണ് ജെനുവിൻ വ്യക്തികൾ. അവർക്ക് തങ്ങളുടെ ജീവിതത്തിന്റെ ലക്ഷ്യമറിയാം. ലക്ഷ്യമനുസരിച്ച് അവർ പ്രവൃത്തിക്കുകയും ചെയ്യും.

 പരാജയങ്ങളെ  ഭയക്കുന്നില്ല

പരാജയങ്ങളെ അവർ ഭയപ്പെടുന്നില്ല. സംഭവിക്കുന്ന പരാജയങ്ങൾ പോലും പുതിയൊരു ദിശാബോധമാണ് സമ്മാനിക്കുന്നതെന്ന് അവർ വിശ്വസിക്കുന്നു. പഠിക്കാനും വളരാനുമുള്ള സാധ്യതയാണ് പരാജയമെന്നാണ് അവർ കരുതുന്നത്.

മറ്റുള്ളവരെ  വിധിക്കുന്നില്ല

മറ്റുള്ളവരെ കുറ്റം പറയുന്നതും കുറവുകൾ കണ്ടെത്തുന്നതും വിധിക്കുന്നതും സമയം പാഴാക്കുന്ന പരിപാടിയാണെന്ന് ഇവർക്ക് തിരിച്ചറിവുണ്ട്. അതുകൊണ്ട് ജെനുവിൻ വ്യക്തികൾ  ഒരിക്കലും മറ്റുള്ളവരെ വിധിക്കാറില്ല.