ഒരുകാലത്ത് “Made in China” എന്ന് ഏതെങ്കിലും ഒരു വസ്തുവിൽ നാം വായിക്കുവാനിടയായാൽ, ഇതിന് അധികകാലം ആയുസ്സ് ഇല്ല.., ഇത് അധികകാലം നീണ്ടുനിൽക്കില്ല..! എന്നൊക്കെ പലപ്പോഴും പലരും പറഞ്ഞ് കേട്ടിട്ടില്ലേ..? ‘ഒറിജിനലിനെ വെല്ലുന്ന ഡ്യൂപ്ലിക്കറ്റ്,’ ‘ചാത്തൻ സാധനം, “Made in കുന്നംകുളം,’ ഇവയെല്ലാം ഇതിന്റെ വകഭേദങ്ങൾ തന്നെ. ഇന്ന് നാം ഉപയോഗിക്കുന്ന നിത്യോപയോഗ വസ്തുക്കൾ എല്ലാം തന്നെ അമിതവില ആണെങ്കിൽ തന്നെ ക്വാളിറ്റി ഉള്ളതും, ഒറിജിനൽ ആണെന്നും വിശ്വസ്തതയോടെ വാങ്ങിക്കാം എന്നും ഗുണനിലവാരം ഉള്ളതും ഗ്യാരണ്ടിയും വാറണ്ടിയുമെല്ലാം കമ്പനി ഉറപ്പു നൽകുന്നതുമായ ബ്രാൻഡഡ് സാധനങ്ങൾ കൂടുതൽ വാങ്ങിക്കുവാൻ നാം പലപ്പോഴും നിർബന്ധിതരാകുന്നില്ലേ..?
‘”Everyone is born an original, but many die as a photocopy.’ നമ്മുടെ ജീവിതത്തിലും ഒറിജിനലായി ജനിക്കുന്ന നമ്മളിൽ പലരും ഫോട്ടോ കോപ്പികളും ഡ്യൂപ്ലിക്കറ്റുകളുമായി മാറാറില്ലേ..? നമുക്കുണ്ടെന്ന് നാം കരുതുന്ന സ്നേഹവും കരുണയും വിശ്വാസവും മറ്റുള്ളവരോടുള്ള പരിഗണയുമെല്ലാം ശരിക്കും നമ്മിലുള്ള ഗുണങ്ങൾ തന്നെയാണോ അതോ ഇവയെല്ലാം നമ്മിൽ ഉണ്ടെന്ന് പലപ്പോഴും നടിക്കുന്നവരിൽ ഒരാൾ മാത്രമാണോ ഒരു ചിത്രത്തിന്റെ ഒരായിരം കോപ്പികൾ നമുക്ക് ഉണ്ടാക്കാം, എന്നിരുന്നാലും ഒറിജിനൽ ചിത്രത്തിന് മറ്റെല്ലാ ചിത്രങ്ങളെക്കാളും വിലയും സ്ഥാനവും ഉണ്ടാകും.
ഒരു ഒറിജിനൽ 500 രൂപ നോട്ടും ഒരു കള്ളനോട്ടും കാഴ്ചയിൽ ഒരുപോലെ ആരിക്കുമെങ്കിലും അതിന്റെ വിലയിലും മൂല്യത്തിലും വ്യത്യാസമുണ്ട്. ഒരു മനുഷ്യന്റ കൈയൊപ്പിന് എത്ര തന്നെ വില ഉണ്ടെന്ന് പറഞ്ഞാലും അത് കൃത്രിമമായി നിർമ്മിച്ചാൽ അതിന് യാതൊരു വിലയും ഇല്ല. നാം നമ്മുടെതന്നെ തനിപ്പകർപ്പായ ഒരു പ്രതിമ നിർമിക്കുന്നതും നാം നമ്മെ തന്നെ ഒരു കണ്ണാടിയിൽ കാണുന്നതും തമ്മിൽ വളരെ വ്യത്യാസമുണ്ട്.”Be yourself Everyone else is already taken.’ Oscar Wilde ഛരെമൃ ണശഹറല പറഞ്ഞുവയ്ക്കുന്നതുപോലെ, നമുക്ക് നാം ആകാനെ സാധിക്കുകയുള്ളൂ. എല്ലാവരിൽ നിന്നും വളരെ വ്യത്യസ്തരായിട്ടാണ് നമ്മെ സൃഷ്ടിച്ചിരിക്കുന്നത്. നാം മറ്റൊരാളാകാൻ ശ്രമിക്കുമ്പോൾ നമുക്ക് നമ്മെ തന്നെയാണ് നഷ്ടമാകുന്നത്. എപ്പോഴൊക്കെ നാം മറ്റൊരാളാകാൻ ശ്രമിക്കുന്നുവോ, എപ്പോഴൊക്കെ നാം നമ്മുടെ ഒറിജിനൽ മുഖം മറച്ചുവെച്ച് മുഖം മൂടി ധരിക്കുന്നുവോ അപ്പോഴൊക്കെ നാം ചിന്തിക്കേണ്ട ഒന്നുണ്ട്, നന്മളിലെ നൻമയെ നാം മുക്കുപണ്ടമായി കരുതി പണയം വെക്കുകയാണ്. വ്യക്തി ബന്ധങ്ങളിലുള്ള ഇത്തരം പ്രവണതകൾ അതു നമ്മുടെ ജീവിതങ്ങളെ താറുമാറാക്കുമെന്ന് നാം തിരിച്ചറിയണം. ഒറിജിനൽ ഏതെന്നും ഡ്യൂപ്ലിക്കറ്റ് ഏതെന്നും തിരിച്ചറിഞ്ഞ് ജീവിക്കാൻ നമുക്ക് സാധിക്കട്ടെ. ഒറിജിനലായി ജനിക്കുന്ന നമ്മളിൽ പലരും ഫോട്ടോ കോപ്പികളും ഡ്യൂപ്ലിക്കറ്റുകളുമായി മാറി മരിക്കാതിരിക്കട്ടെ..!
ജിതിൻ ജോസഫ്