സ്വന്തമെന്ന് നാം കരുതി ഉപയോഗിക്കുന്ന പല ഭക്ഷ്യവിഭവങ്ങളും നമ്മുടെ സ്വന്തമല്ല. കോളനിവാഴ്ചയുടെ ഫലമായി നമ്മുടെ മണ്ണിലേക്ക് ചേക്കേറുകയും നാം സ്വന്തമായി കരുതി ഉപയോഗിക്കുകയും ചെയ്യുന്ന അത്തരം ഭക്ഷ്യവിഭവങ്ങളിൽ ചിലതിനെ പരിചയപ്പെടാം.
മുളക്
ഇന്ന് ഇന്ത്യൻ പാചകത്തിൽ ഒഴിവാക്കാനാകാത്ത ഒന്നാണ് മുളക്. എന്നാൽ 15-ാം നൂറ്റാണ്ടിന് മുമ്പ് ഇന്ത്യയിൽ കുരുമുളകും മറ്റ് സുഗന്ധവ്യഞ്ജ നങ്ങളുമായിരുന്നു പകരം ഉപയോഗിച്ചിരുന്നത്. പതിനാറാം നൂറ്റാണ്ടിൽ പോർച്ചുഗീസുകാരാണ് മുളക് ഇന്ത്യയിലെത്തിച്ചത്. വളരെ വേഗം മുളക് ഇന്ത്യൻ ഭക്ഷണസംസ്കാരത്തിന്റെ ഭാഗമായി മാറി.
ഉരുളക്കിഴങ്ങ്
ദക്ഷിണ അമേരിക്കയിൽ നിന്നാണ് ഉരുളക്കിഴങ്ങ് ഇന്ത്യയിലെത്തിയത്. പോർച്ചുഗീസുകാരും പിന്നീട് ബ്രിട്ടീഷുകാരും ഇത് ഇന്ത്യയിൽ വ്യാപകമാക്കി. ഇന്ന് സമോസ മുതൽ മസാലദോശ വരെ അനവധി വിഭവങ്ങളിൽ ഇത് പ്രധാന ഘടകമാണ്.
തക്കാളി
തക്കാളിയും അമേരിക്കയിൽ നിന്നെത്തിയ വിളയാണ്. ആദ്യം അലങ്കാരസസ്യമായി വളർത്തിയിരുന്ന ഇത് പിന്നീട് പാചകത്തിൽ ഉപയോഗിക്കപ്പെട്ടു. ഇന്ന് ഇന്ത്യൻ കറികളുടെയും സോസുകളുടെയും അടിസ്ഥാന ഘടകങ്ങളിൽ ഒന്നാണ് തക്കാളി.
കശുവണ്ടി
ബ്രസീലിൽ നിന്നുള്ള കശുവണ്ടി പോർച്ചുഗീസുകാർ ഗോവയിലും കേരളത്തിലുമാണ് ആദ്യം കൊണ്ടുവന്നത്. മണ്ണൊലിപ്പ് തടയാനായി ആദ്യം നട്ടുവളർത്തിയ ഈ വൃക്ഷം പിന്നീട് ഭക്ഷ്യവിളയായി വ്യാപിച്ചു. ഇന്ന് ഇന്ത്യൻ മിഠായികളിലും ബിരിയാണിയിലും ഇത് വ്യാപകമായി ഉപയോഗിക്കുന്നു.
പൈനാപ്പിൾ
പൈനാപ്പിളും ദക്ഷിണ അമേരിക്കയിൽ നിന്നെത്തിയ പഴമാണ്. പോർച്ചുഗീസുകാർ വഴിയാണ് ഇത് ഇന്ത്യയിലെത്തിയത്. ഇന്ന് കേരളം ഉൾപ്പെടെ ഇന്ത്യയിലെ പല സംസ്ഥാനങ്ങളിലും വ്യാപകമായി കൃഷി ചെയ്യപ്പെടുന്നു.
പപ്പായ
പപ്പായ മധ്യ അമേരിക്കയിൽ നിന്നാണ് ഇന്ത്യയിലെത്തിയത്. ആരോഗ്യഗുണങ്ങൾ കൂടുതലുള്ള ഈ പഴം ഇന്ന് ഇന്ത്യയിൽ വ്യാപകമായി ഉപയോഗിക്കുന്നു. ജ്യൂസായും പഴമായും ഔഷധഗുണമുള്ള ഭക്ഷണമായും ഇത് ജനപ്രിയമാണ്.