ടെസ്‌റ്റോസ്റ്റിറോൺ: അറിയേണ്ടതെല്ലാം

Share post:

പുരുഷന്മാരിൽ പ്രധാനമായും വൃഷണങ്ങളിൽ ഉൽപാദിപ്പിക്കുന്ന ഹോർമോണാണ് ടെസ്റ്റോസ്റ്റിറോൺ  (Testosterone)  പുരുഷലൈംഗിക ഹോർമോണാണ് ഇത്. പേശികളുടെ വളർച്ച, ലൈംഗികതാല്പര്യം, എല്ലുകളുടെ ആരോഗ്യം, ഊർജം, മാനസികാവസ്ഥ എന്നിവയിലെല്ലാം പ്രധാനപങ്കുവഹിക്കുന്ന ഹോർമോണാണ് ടെസ്റ്റോസ്റ്റിറോൺ. പുരുഷന്മാരുടെ ജീവിതത്തിൽ വളരെ പ്രധാനപ്പെട്ട ഒരു ഹോർമോണാണ് ഇത്. കാരണം ലൈംഗിക ആഗ്രഹം നിലനിർത്താൻ സഹായിക്കുന്നതിനാൽ ലൈംഗികാരോഗ്യത്തിൽ ഈ ഹോർമോൺപ്രധാനപങ്കുവഹിക്കുന്നു. പേശികളുടെ വളർച്ചയ്ക്കും ബലം നിലനിർത്തുന്നതിനും  എല്ലുകളുടെ സാന്ദ്രത നിലനിർത്തുന്നതിനും ഈ ഹോർമോൺ ഏറെ സഹായിക്കുന്നുണ്ട്. അതുപോലെ ചുവന്ന രക്താണുക്കൾ രൂപപ്പെടുത്തുന്നതിൽ പങ്കുവഹിക്കുന്നതും പുരുഷന്മാരിലെ രോമവളർച്ച, ശബ്ദം പോലെയുള്ള ശാരീരിക സവിശേഷതകൾ വികസിപ്പിക്കുന്നതിലും ഈ ഹോർമോൺ പ്രധാനപങ്കുവഹിക്കുന്നുണ്ട്. ടെസ്റ്റോസ്റ്റിറോൺ സാധാരണനിലയിലുള്ള ആരോഗ്യപ്രവർത്തനങ്ങൾക്ക് ഏറെ സഹായകരമാണ്. ടെസ്റ്റോസ്റ്റിറോൺ അളവ് ഏറ്റവും കൂടുതലായിരിക്കുന്നത് കൗമാരത്തിന്റെ അവസാനത്തിലും 20 കളുടെ തുടക്കത്തിലുമാണ്. അതായത് പതിനെട്ടുമുതൽ 25 വയസുവരെയായിരിക്കും പുരുഷന്മാരിൽ ഏറ്റവും കൂടിയ അളവിൽ ടെസ്റ്റോസ്റ്റിറോൺ കാണപ്പെടുന്നത്. മുപ്പതു മുതൽ നാല്പതുവയസുവരെയുള്ള ഘട്ടത്തിൽ ക്രമേണ കുറയാൻ തുടങ്ങും. 40 മുതൽ അമ്പതു വയസുവരെയോ അതിന് മുകളിലേക്കോ ടെസ്റ്റോസ്റ്റിറോൺ കുറയാൻ സാധ്യതയുണ്ടെങ്കിലും എല്ലാവരിലും അതു സംഭവിക്കണമെന്നില്ല. സ്വാഭാവികമായി സംഭവിക്കുന്ന ടെസ്റ്റോസ്റ്റിറോൺ കുറവിനെ ഒരു പരിധിവരെ നിയന്ത്രിക്കാനും അതിൽ കുറവുവരാതെയിരിക്കാനും സാധിക്കും.  ഏതൊക്കെയാണ് ഈ മാർഗങ്ങളെന്നു നോക്കാം.

ഉറക്കത്തിന് മുൻഗണന കൊടുക്കുക. ദിവസവും ഏഴുമുതൽ ഒമ്പതുമണിക്കൂർവരെ ഉറങ്ങാൻ ശ്രമിക്കുക, ദിവസവും പത്തുമുതൽ പതിനഞ്ചുവരെ മിനിറ്റ് നടക്കുക. അത് മുപ്പതുമിനിറ്റ് വരെയാകുന്നതും നല്ലതാണ്. മുട്ട, മീൻ, പയർ, പരിപ്പ്, തൈര് തുടങ്ങിയവ ആഹാരത്തിന്റെ ഭാഗമാക്കുക. . ഫാസ്റ്റിംങ്, ഡയറ്റിങ് തുടങ്ങിയ സാധിക്കുമെങ്കിൽ ഒഴിവാക്കുക. ആവശ്യത്തിന് വെള്ളം കുടിക്കുക. നിർജ്ജലീകരണം തടയുന്നതിന് ഇതേറെ സഹായിക്കും. അമിതവണ്ണമുണ്ടെങ്കിൽ കുറയ്ക്കുക.
ടെസ്റ്റോസ്റ്റിറോൺ കുറവാണ് എന്ന് എങ്ങനെ മനസ്സിലാക്കാം?

സ്ഥിരമായ ക്ഷീണം: ആവശ്യത്തിനു ഉറങ്ങിയിട്ടും ക്ഷീണം അനുഭവപ്പെടുക. ജോലി ചെയ്യാൻ ഉത്സാഹം നഷ്ടപ്പെടുക. ഇവ ടെസ്റ്റോസ്റ്റിറോൺ കുറവാണ് എന്നതിന്റെ സൂചനയാണ്.

ലൈംഗികതാല്പര്യം കുറയുക: ലൈംഗികആഗ്രഹം മുമ്പത്തേതിനെക്കാൾ വ്യക്തമായി കുറയുക.

ഉദ്ധാരണശേഷിയിലുണ്ടാകുന്ന മാറ്റം: ഉദ്ധാരണം കുറയുകയോ നിലനിർത്താൻ  കഴിയാതെ വരികയോ ചെയ്യുക

പേശികളുടെ ബലം നഷ്ടമാകുക: വ്യായാമം ചെയ്തിട്ടും പേശികളുടെ ബലം നിലനിർത്താൻ കഴിയാതെ വരുന്ന അവസ്ഥ.

വയറിനുചുറ്റും കൊഴുപ്പ് കൂടുക: ശരീരത്തിൽ കൊഴുപ്പു കൂടുകയും വയർ വർദ്ധിക്കുകയും ചെയ്യുക.

ഉറക്കക്കുറവ്: തൃപ്തികരമായ രീതിയിൽ ഉറങ്ങാൻ കഴിയാതെ വരുന്നതും പകൽ ഉറക്കം വരുന്നതും ടെസ്റ്റോസ്റ്റിറോൺ കുറയുന്നതിന്റെ സൂചനയാകാം.

മാനസികാവസ്ഥയിലുണ്ടാകുന്ന മാറ്റം: ഉത്സാഹക്കുറവ്, വിഷാദലക്ഷണങ്ങൾ, ആത്മവിശ്വാസം നഷ്ടമാകൽ

ശ്രദ്ധക്കുറവ്: കാര്യങ്ങളിൽ ശ്രദ്ധ കേന്ദ്രീകരി്ക്കാൻ ബുദ്ധിമുട്ട് നേരിടുക. ഓർമ്മക്കുറവ്
താടിരോമങ്ങളിലുണ്ടാകുന്ന കുറവും ടെസ്റ്റോസ്റ്റിറോണിന്റെ കുറവുമായി ബന്ധപ്പെട്ടിരിക്കുന്നതായി കരുതപ്പെടുന്നു.

 മേൽപ്പറഞ്ഞ ലക്ഷണങ്ങൾ കൊണ്ട് ഇതെല്ലാം ടെസ്റ്റോസ്റ്റിറോണിന്റെ കുറവുമൂലമാണ്സംഭവിക്കുന്നതെന്ന നിഗമനത്തിലെത്താനും പാടില്ല. ഇതേ ലക്ഷണങ്ങൾ മറ്റ് പലതിന്റെയും ലക്ഷണങ്ങളാവാം. അതുകൊണ്ട് വിദഗ്ദമായ  പരിശോധനയും ഡോക്ടറുടെ വിലയിരുത്തലും ഇതിനാവശ്യമാണ്. രാവിലെ ഏഴുമണിക്കും പത്തുമണിക്കും ഇടയിൽ നടത്തുന്ന രക്തപരിശോധനയിലൂടെ ടെസ്റ്റോസ്റ്റിറോൺ അളവ് മനസ്സിലാക്കാനാവും. ആദ്യ പരിശോധനയിൽ കുറവാണ് രേഖപ്പെടുത്തുന്നതെങ്കിൽ മറ്റൊരു ദിവസവും രക്തപരിശോധന നടത്തേണ്ടത് അത്യാവശ്യമാണ്. ഡോക്ടറുടെ നിർദ്ദേശപ്രകാരം മാത്രമേ ചികിത്സ നടത്താവൂ. അതായത് ടെസ്റ്റോസ്റ്റിറോൺ ഇഞ്ചക്ഷനുകളോ മരുന്നുകളോ ഡോക്ടറുടെ നിർദ്ദേശപ്രകാരമല്ലാതെ ഉപയോഗിക്കരുത്. ഒരേ സമയത്ത് ഉറങ്ങുകയും ഉണരുകയും ചെയ്യുക, നടത്തം പതിവാക്കുക പ്രോട്ടീൻ അടങ്ങിയ ഭക്ഷണം കഴിക്കുക ആവശ്യത്തിന് വെള്ളം കുടിക്കുക എന്നിങ്ങനെ ഒരാഴ്ചക്കാലത്തോളം ഇക്കാര്യങ്ങൾ കൃത്യമായി ചെയ്തുനോക്കിയിട്ടും ക്ഷീണം കുറയുന്നില്ലെങ്കിൽ പ്രത്യേകിച്ച് അമ്പതുവയസോ അതിന് മുകളിലോ ആണ് നിങ്ങളുടെ പ്രായമെങ്കിൽ എത്രയും പെട്ടെന്നുതന്നെ ഒരു ഡോക്ടറെ സമീപിക്കേണ്ടതും അദ്ദേഹത്തിന്റെ നിർദ്ദേശാനുസരണം ചികിത്സ ആരംഭിക്കേണ്ടതുമാണ്.

(കടപ്പാട് : ഇന്റർനെറ്റ്)

LEAVE A REPLY

Please enter your comment!
Please enter your name here

Related articles

50 വയസു കഴിഞ്ഞോ? ശ്രദ്ധിക്കാം ഇക്കാര്യങ്ങൾ

അമ്പതുവയസ് ജീവിതത്തിലെ ഒരു നിർണായകഘട്ടമാണ്. യൗവനം മങ്ങിത്തുടങ്ങുകയും വാർദ്ധക്യത്തിന്റെ സൂചനകൾ പ്രത്യക്ഷപ്പെട്ടുതുടങ്ങുകയും ചെയ്തിരിക്കുന്ന അതിസങ്കീർണ്ണഘട്ടം.  ശരീരത്തിൽ സ്വാഭാവികമായും പലതരം മാറ്റങ്ങൾ സംഭവിക്കുന്ന ഘട്ടം. പേശികളുടെ...

ആരോഗ്യമുള്ള കുഞ്ഞുണ്ടാവാൻ പുരുഷനും വേണം ശ്രദ്ധ

ആരോഗ്യമുള്ള കുഞ്ഞിനെക്കുറിച്ച് സംസാരിക്കുമ്പോൾ എല്ലായ്പ്പോഴും സ്ത്രീയുടെ ആരോഗ്യമാണ് പ്രധാനമായും ചർച്ച ചെയ്യപ്പെടുന്നത്. എന്നാൽ കുഞ്ഞിന്റെ ആരോഗ്യവും ഭാവിയും നിശ്ചയിക്കുന്നതിൽ അത്രത്തോളം തന്നെ നിർണ്ണായകമാണ് പുരുഷന്റെ...

സ്ത്രീ പുരുഷനിൽ ആകൃഷ്ടയാകുന്നതിന്റെ കാരണം

പരസ്പരാകർഷണത്തിന്റെ കാന്തവലയത്തിൽ കുടുങ്ങുന്നവരാണ് സ്ത്രീപുരുഷന്മാർ. സ്ത്രീപുരുഷന്മാർ തമ്മിലുള്ള താളലയങ്ങളാണ് പ്രകൃതിയുടെ തന്നെ അടിസ്ഥാനം. സ്ത്രീ മാത്രമായോ പുരുഷൻ മാത്രമായോ ഈ ലോകത്തിന് നിലനില്പില്ല. പ്രപഞ്ചത്തിന്...

നിങ്ങൾ വിശ്വസ്തനായ പങ്കാളിയാണോ?

വിശ്വസ്തത ഒരു ഗുണമാണ്. ആജീവനാന്തമുള്ള ഒരു ഉടമ്പടിയാണ് . പ്രതിബദ്ധതയും സത്യസന്ധതയും ആദരവും അതിന്റെ ഭാഗമാണ്.  നിങ്ങളോ അല്ലെങ്കിൽ നിങ്ങളുടെ പങ്കാളിയോ വിശ്വസ്തനാണോയെന്നറിയാൻ ചില...

സ്വന്തം ശരീരത്തെക്കുറിച്ച് മതിപ്പുണ്ടോ? ഇല്ലെങ്കിൽ സംഭവിക്കുന്നത്…

കണ്ണാടിയിൽ നോക്കിനില്ക്കുമ്പോൾ സ്വന്തം ശരീരത്തെക്കുറിച്ച് നിങ്ങൾക്ക് എന്താണ് തോന്നുന്നത്?  നിറം, രൂപം, ഉയരം, അവയവഭംഗി എന്നിവയെല്ലാം ഓർത്ത് അപകർഷതയാണ് അനുഭവപ്പെടുന്നതെങ്കിൽ നിങ്ങളുടെ ലൈംഗികജീവിതം സുഖകരമായിരിക്കണമെന്നില്ല...

പുരുഷന്മാരിലും ‘പ്രസവാനന്തര’വിഷാദം!

പോസ്റ്റ്പാർട്ടം ഡിപ്രഷൻ എന്ന വാക്ക് ഇന്ന് സാധാരണമായിക്കഴിഞ്ഞിട്ടുണ്ട്. പ്രസവാനന്തരം സ്ത്രീകളിൽ സംഭവിക്കുന്ന വിഷാദത്തെയാണ് പൊതുവെ ഇതുകൊണ്ട് വിശദമാക്കുന്നത്. ഇക്കാര്യത്തെക്കുറിച്ച് സമൂഹം ഇന്ന് കുറെക്കൂടി ഭേദപ്പെട്ട...

എങ്ങനെയുളള പുരുഷന്മാരെയാണ് സ്ത്രീകൾക്ക് ഇഷ്ടം?

ഒരു പുരുഷനെക്കുറിച്ചുള്ള നിങ്ങളുടെ സങ്കല്പം എന്താണ്? ധൈര്യശാലി? കരുത്തൻ? ബുദ്ധിമാൻ? സമ്പന്നൻ? പൗരുഷമുളളവൻ...? എന്നാൽ ഒരു സ്ത്രീയോടാണ് ഈ ചോദ്യം ചോദിക്കുന്നതെങ്കിൽ അതിൽ ഭൂരിപക്ഷവും...

പുരുഷൻ സ്നേഹിക്കുന്നുണ്ടോ, എങ്ങനെയറിയാം?

ഒരു പുരുഷൻ നിങ്ങളോട് ഭാവിയെക്കുറിച്ച് സംസാരിക്കാറുണ്ടോ? പ്രത്യേകിച്ച് അയാൾ അവിവാഹിതനും നിങ്ങൾ വിവാഹം കഴിക്കാത്ത ഒരാളുമാണെങ്കിൽ. നിങ്ങളോട് ഭാവിയെക്കുറിച്ചുള്ള ചോദ്യങ്ങൾ ചോദിച്ചിട്ടുണ്ടോ? സങ്കല്പങ്ങൾ, പ്രതീക്ഷകൾ,...