നേരം പുലർന്നുവന്നാലുടനെ വെറും വയറ്റിൽ കഴിക്കരുതാത്ത ചില ഭക്ഷണപദാർത്ഥങ്ങളുണ്ട്. ആരോഗ്യത്തിന് ഗുണകരമല്ലാത്തവയായതുകൊണ്ടാണ് അവ വെറും വയറ്റിൽ കഴിക്കരുതെന്ന് പറയുന്നത്. ഗുണം ഉണ്ടാകില്ല എന്നുമാത്രമല്ല ദോഷം ഉണ്ടാവുകയും ചെയ്യും.
വാഴപ്പഴം
ഒഴിഞ്ഞ വയറ്റിൽ വാഴപ്പഴം കഴിക്കരുത്. കാരണം അത് അസിഡിറ്റി വർദ്ധിപ്പിക്കും. വയറു കമ്പിക്കുന്നതിനും ഗ്യാസിനും വഴിയൊരുക്കുകയും ചെയ്യും.
തൈര്
വെറുംവയറ്റിൽ തൈര് കഴിക്കുന്നത് അസിഡിറ്റി വർദ്ധിപ്പിക്കും. വയറ്റിൽ അസ്വസ്ഥത സൃഷ്ടിക്കും. വിശപ്പ് കുറയ്ക്കും.
കാപ്പി
കട്ടൻ കാപ്പികുടിച്ചാലേ പ്രഭാതത്തിന് ഉഷാറുള്ളൂ എന്ന് കരുതുന്നവരുണ്ട്. അതുകൊണ്ട് കിടക്കപ്പായയിൽ നിന്നെണീറ്റിരുന്നുള്ള കാപ്പികുടിയോടെയാണ് അവരുടെ ഒരു ദിവസം ആരംഭിക്കുന്നത്. പക്ഷേ വെറും വയറ്റിൽ കാപ്പി കുടിക്കുന്നത് കഫീൻ ആസിഡ് ഉല്പാദിപ്പിക്കും. നെഞ്ചെരിച്ചിലിനും ഓക്കാനത്തിനും കാരണമാവുകയും ചെയ്യും.
സോഡയും കോളയും
ആമാശയത്തെ നശിപ്പിക്കുന്ന രണ്ടുപാനീയങ്ങളാണ് കോളയും സോഡയും. അതുപോലെ മറ്റൊന്നാണ് തക്കാളി. അസിഡിറ്റി വർദ്ധിപ്പിക്കാനും വയറുവേദനയും അൾസറും സൃഷ്ടിക്കാനും തക്കാളി വെറുംവയറ്റിൽ കഴിക്കുന്നത് കാരണമാകുന്നു.
അങ്ങനെയെങ്കിൽ ദിവസത്തിൽ വെറുംവയറ്റിൽ കഴിക്കേണ്ടത് എന്താണ്? ഇളം ചൂടുവെള്ളമോ തേൻ വെള്ളമോ കാപ്പിക്കുപകരം വെറുംവയറ്റിൽ കുടിക്കുക. തുടർന്ന് ഈന്തപ്പഴം, ബദാം, ഓട്സ് പോലെയുള്ള ലഘുവായ എന്തെങ്കിലും കഴിക്കുക. അതിനുശേഷം ചായയോ കാപ്പിയോ കുടിക്കാം.
(വിവരങ്ങൾക്ക് കടപ്പാട്: ഇന്റർനെറ്റ്)
